HATAW! D'yaryo ng Bayan hatawtabloid.com
NAI-CREMATE na kahapon ang labi ng komedyanteng si Bernardo Bernardo sa St Peter Chapel, Araneta Avenue, Quezon City.
Inayawan pala ni BB ang operasyon na sana’y makatutulong para gumaling o humaba pa ang kanyang buhay. Takot kasi raw ito sa operasyon kaya ganoon.
Gusto sanang tumulong ni Pangulong Duterte sa pamamagitan ni Robin Padilla pero inayawan ito. Ang tanging nangyari , sinagot ni Robin ang libing at cremation na hanggang maaari ay ayaw ipaalam sa ginawa niyang iyon.
“May taong ganyan na malihim. Ayaw nitong malaman na tumulong siya, masaya na siya sa ganoong sitwasyon. Sundin na lang natin ang gusto niya,” pakiusap ni Beverly Salviejo na isa sa mga punong-abala sa paglibing ng komedyante.
(Alex Datu)
