HATAW! D'yaryo ng Bayan hatawtabloid.com
TOTOONG walang malaki ang nakapupuwing, parang David and Goliath lang ang peg.
Ang OA naman din kasi ng pralala ng ABS-CBN tungkol sa ratings ng nagtapos nang La Luna Sangre na consistent na tinalo ang katapat nitong Kambal Karibal mula sa simula.
May mga weeknight pala kasing nauungusan ng teleserye nina Bianca Umali at Miguel Tanfelix ang kina Kathryn Bernardo at Daniel Padilla.
Bagama’t mabibilang lang sa daliri ang mga gabing ‘yon, the mere fact na nakapuwing sila ng isa nang established loveteam is more than an achievement.
Sa kabila nito, pinabibilib kami ni Miguel sa kanyang kababaang-loob. Ina-acknowledge kasi niya ang malakas na KathNiel pull sa mga manonood.
Gayunman, hindi raw ‘yon dahilan para maging complacent o petiks-petiks ang ginagawa nilang trabaho ni Bianca sa KK. All the more pa ngang pinagbubuti nila ang bawat episode.
Maaaring sabihing no comparison sa dalawang bagets loveteams, at totoo naman. Between the two ay milya-milya ang distansiya ng KathNiel sa Bianca-Miguel, but the latter is putting up a good fight.
Isang mas matindi pa sanang TV assignment ang maipagkaloob sa dalawang ito, at they will sure give other young pairings a run for their money.
Kaya kumilos sana ang mga henyo sa creative department ng GMA!
HOT, AW!
ni Ronnie Carrasco III
