Baron, wala ng pag-asang magbago

SA halip na umani ng pagmamalasakit at pag-alala si Baron Geisler mula sa mga netizen ay pagkasuklam ang inabot niya.

Ito’y makaraang maaresto ang aktor kamakailan ng mga operatiba ng Angeles City Police dahil sa umano’y pagwawala niya sa bahay ng kanyang kapatid at bayaw, kaya naman binugbog siya ng huli.

Sa paunang ulat, kung hindi mo pa nalalaman ang ugat ng gulo’y awa agad ang iyong mararamdaman sa sinapit ni Baron in the hands ng mismong kaanak niya. Mabilis kang magko-conclude na ano ba ang ginawa ng kanyang kapatid na si Grace habang nakikitang binubugbog ang kapatid, nakatunganga lang?

Pero sa isang banda rin, kung kilala mo si Baron na nasangkot na sa halos ‘di na mabilang na gulo—mapa sa kapwa niya aktor o ordinaryong tao—hindi mo na kailangan pang magsaliksik.

Stigma ang tawag doon. Mahirap na kumawala si Baron sa stigma na siya rin ang may gawa, lalo na’t lahat ng mga gulong kinapalooban niya’y may kinalaman sa kawalan niya ng wisyo dulot ng sobrang pagwawalwal.

At sa halip ngang makatagpo si Baron ng kakampi sa katauhan ng kapatid na si Grace ay ito pa ang nagdiin sa kanya.

Maraming rebelasyon si Grace tungkol sa mga asal ni Baron na lampas na sa guhit ng katinuan at pagka-normal na inaasahan sa isang tao. Sukat ba namang ang ina na nakaratay na nga sa hospital bed ay nakuha pang pagbuhatan ng kamay ni Baron?

Sukat ba naman ding pati pamangkin niya (anak ni Grace) ay binobosohan umano niya? Sino namang ama ang papayag ng ganoon? Eh, ‘di nakatikim siya sa bayaw niya nang ‘di oras!

Without apologies pero tahasan naming sasabihing isa nang hopeless case si Baron Geisler na ang buhay ay patapon na!

 HOT, AW!
ni Ronnie Carrasco III