Sikat na aktres, napagsasabay ang dalawang tivoli royale

DATI namang nakikipagrelasyon ang sikat na aktres na ito sa mga lalaki, pero ewan kung bakit mas bet niyang kaulayaw ang mga tibambam (read: lesbiyana).

Kuwento ito mismo ng dating namasukan sa kanya, “’Day, saksi ako sa lahat ng mga ganap sa buhay ng amo ko. Impernes, wala akong masasabi sa kabaitan niya. Ni minsan, eh, hindi niya ako minaltrato o pinagmalupitan. Basta, isa lang ang hinihingi niya sa mga kasambahay niya…dapat marunong kang magtago ng mga lihim niya sa buhay!”

Ang lihim na tinutukoy ng aming katsika ay nang minsang pagsabayin ng amo niyang aktres ang dalawang Tivoli royale, “Taga-showbiz ‘yung isa, tapos negosyante naman ‘yung pangalawa. As in naatim niyang pagsabayin ang pakikipagrelasyon niya sa dalawang Mrs. Real, este, sa dalawang tiburcio na ‘yon!”

Ang nakabibilib pa raw ay walang kaalam-alam ang dalawang lesbiyanang ‘yon na sabay silang karelasyon ng amo niya.

“Eh, gawin ba naman akong kakuntsaba ng amo ko, ‘no! So, natuto rin akong magsinungaling sa kanilang dalawa. Kapag tumawag sa akin ‘yung isa at hinahanap ‘yung amo ko, sey ko, ‘Ay, kanina pa po natutulog,’ pero saan ka, naglalamyerda kasama ‘yung isang dyowa niyang syomboy!”

Da who ang aktres na ito na ang haba-haba ng hair? Itago na lang natin siya sa alyas na Celia Sorpresa.

(Ronnie Carrasco III)