HATAW! D'yaryo ng Bayan hatawtabloid.com
ILANG dekada nang hilahod sa gintong medalya ang mga atletang Filipino sa Olympiada kaya ito ang pangarap ngayon ni Philippine Olympic Committee chairman Abraham “Bambol” Tolentino.
Naniniwala si Chairman Bambol, sa pamamagitan ng Siklab Atleta Pilipinas Sports Foundation, Inc., mahusay na matutukoy ang panga-ngailangan ng mga manlalarong Filipino upang maisakatuparan ang kanilang “Olympic dreams.”
Sa 2020 Olympics na gaganapin sa Tokyo, Japan, ang delegasyon ay pangungunahan nina Rio Olympic silver medalist Hidilyn Diaz, windsurfing champion Geylord Coveta, triathlete Kim Mangrobang at tracksters Eric Cray at Trenton Beram.
Mayroon pang isang taon ang POC para sanayin ang mga manlalarong Filipino na ipadadala sa Tokyo.
Sa isang panayam, inamin ni Chairman Bambol na hirap na hirap ang NSA o national sports associations kung paano popondohan ang pagsasanay ng kanilang mga atleta, lalo na umano yaong mga may kakayahan na katawanin ang ating bansa sa Olympics.
Si Chairman Bambol ang kasalukuyang lider ng mga cyclist sa bansa at kinatawan ng Cavite sa Kamara, kaya nakikita natin sa kanya ang sinseridad na maiangat ang dangal at kalagayan ng mga atletang Filipino na ilang panahong naging mukhang timawa dahil sa pinaniniwalaang maling liderato.
Kaya ngayon, pinagsisikapan ni Chairman Bambol na i-maximize ang kakayahan ng Siklab at kanilang private partners para iangat ang pagsasanay ng mga manlalaro.
Sabi nga ni Phoenix Petroleum president and CEO Dennis Uy, kasalukuyang Presidential Adviser for Sports at ang utak sa likod ng foundation, “Ang Siklab Atleta Pilipinas Sports Foundation ang magsisilbing ‘gasolina’ para sa Philippine’s best athletes upang maisakatuparan ang pangarap ng bansa na makapag-uwi ng Olympic gold.”
Mabuhay ka, Chairman Bambol, maraming salamat sa iyong malasakit sa ating mga atleta.
Mga kababayan, let’s keep our fingers crossed para sa Gintong Medalya ng Filipinas sa 2020 Tokyo Summer Olympics!
LUBOG NA PULIS
NAMAMAYAGPAG
SA MGA ILEGALISTA
SA DIVISORIA!
MARAMI ang nagtataka kung bakit hindi masawata ang matagal nang bulok na kalakaran na 15/30 system sa hanay ng pulisya.
Gaya sa Maynila, may namamayagpag pa rin na mga nakalubog na tulis ‘este pulis na pakuya-kuyakoy lang at hindi pumapasok sa duty pero patuloy na nakakokobra ng ‘PAY SLIP’ tuwing kinsenas at katapusan.
Napakarami niyan partikular sa NCRPO.
Sa Manila Police District (MPD), ayon mismo sa ilang pulis na masyado nang agrabyado, kahit raw mataas ang biyakan sa 15/30 ng pulis at bossing nila e tuloy pa rin ang ligaya nila.
Gaya ng isang alias PO2 R2 MANALO ‘TO na naka-assign sa MPD DPSB!
Diyan daw kasi sa unit na ‘yan e ayaw na ayaw umalis ni Manalo dahil panalo siya sa hatagan ‘este tanggapan ng MPD DPSB.
Ayon sa ilang matitinong pulis ng MPD, hindi lang panalo kundi jackpot si Manalo To sa MPD-DPSB.
Bakit ‘kan’yo?!
Iyan daw kasing si Panalo ‘este Manalo To ay parang kasosyo ng Meralco dahil hawak niya ang illegal connection ng koryente sa kahabaan ng Recto sa Divisoria?!
Wattafak!?
At kahit paulit-ulit na nabibisto ng kinauukulan ang ilegal na lakad e patuloy pa rin sa pagbebenta ng ilegal na koryente sa nasabing lugar!
Maging 5-6 sa mga vendor sa Divisoria ay raket rin umano ng kumag na lespu?!
Sonabagan!!!
MPD DD Gen. Joel Coronel, ang pagkakaalam natin, matinik ang intel ninyo sa ganitong mga klaseng pulis sa inyong distrito.
Pero, mukhang napaiikotan kayo ng isang 15/30 PO2 Manalo To sa inyong departamento?!
By the way Gen. Coronel, ang sikat na kolek-tong ni Manalo ‘To ay isang alias Pu-tek-tek na ‘nagpapakilalang’ bagman ng Soler Detachment!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
