HATAW! D'yaryo ng Bayan hatawtabloid.com
UMABOT sa lima katao ang namatay habang tinatayang 100 ang nasugatan makaraan gumuho ang apat palapag na bunkhouse na tinutulugan ng mga construction worker ng isang kom-panya sa Cebu City, nitong Martes ng madaling-araw.
Ayon sa ulat, nangyari ang insidente dakong 3:00 am habang natutulog ang mga construction worker.
Agad dumating ang mga rescue team at ina-bot ng umaga ang pagsagip sa mga biktima na nadaganan ng gumuhong mga bakal at semento.
Sa paunang impormasyon mula sa City Disaster Risk Reduction and Management Council, lima ang namatay at nasa 100 ang sugatan, 10 sa kanila ang malubha ang kalagayan.
Inaalam ng mga awtoridad ang dahilan ng pagguho ngunit lumalabas na mahina umano ang mga materyales na ginamit sa bunkhouse at hindi kinaya ang bigat ng mga natutulog.
Hinihintay ng pulisya ang opisyal na pahayag ng kompanyang may-ari ng bunkhouse hinggil sa insidente.
