Beking komedyante, isinumpa at inayawan ng mga show promoter

ISINUSUMPA ng isang grupo ng mga show promoter na never na raw nilang aaluking mag-show sa isang bansa sa Asia angbeking komedyanteng ito

Sey ng isa sa kanila, ”Naku, first and last na ‘yung isinama namin siya sa Show ng isang sikat na komedyana. Eh, kung tutuusin, hindi naman ‘yung baklitang ‘yon ang main featured star doon sa show namin, ‘no! Pero siya itong maraming demands!”

Nang makarating kasi ang buong grupo sa nasabing bansa (na madalas pagkunan ng mga tina-Tagalog na teleserye), humiwalay saglit ang beki, ”Kung saan-saan tuloy siya napadpad. Aba, ang sabi-sabi ba naman sa amin, eh, bakit iniiwanan daw namin siya? Juice ko, VIP treatment ba ang ine-expect niyang ibigay namin sa kanya, na pati bagahe niya, eh, gusto niya na kami pa ang magbitbit?”

Himutok pa ng aming kausap, ”Sa van kami siyempre nakasakay lahat. Eh, kung ‘yun ngang main star, hitsurang namamaluktot na sa sikip pero walang karekla-reklamo. Pero kung sino pang starlet, eh, siya pa itong maraming kiyaw-kiyaw. Kesyo ikuha na lang daw siya ng ibang sasakyan. Ayaw niya ng masikip…hoooy, feeling niya, si Maricel Soriano siya?!”

Da who ang beking komedyanteng ito? Itago na lang natin siya sa alyas na Ronel Iguana.

(Ronnie Carrasco III)