HATAW! D'yaryo ng Bayan hatawtabloid.com
UMABOT sa 171 katao na lumabag sa iba’t ibang ordinansa ang hinuli sa isinagawang anti-criminality operation ng mga operatiba ng Parañaque City Police sa 16 barangay sa naturang lungsod, kahapon ng madaling-araw.
Ayon kay Parañaque City Police chief, Senior Supt. Victor Rosete, sinimulan ang operasyon dakong 12:00 am sa 16 barangay at 4:00 am ito natapos.
Karamihan sa mga hinuli ay mga nag-iinoman sa pampublikong lugar, na umabot sa 84 katao, 69 menor de edad ang lumabag sa curfew hours, at tatlo ang naglalakad sa kalsada nang walang damit pang-itaas.
Kasama rin sa mga dinampot ang siyam katao na may existing warrant of arrest, gayondin ang dalawang lalaki na hinihinalang tulak ng droga, at apat na naaktohan habang bumabatak.
(JAJA GARCIA)
