Wednesday , May 14 2025
Jeric Teng globalport Pido Jarecio

Teng, nabuhay sa Globalport

SA araw ng mga puso kamakalawa, mistulang kapa­nganakan muli ni Jeric Teng.

Matapos kunin ng Globalport bilang free agent noong Martes upang magbigay-daan sa pagbabalik tambalan nila ng college coach na si Pido Jarencio, tila bumalik rin sa dating sarili si Teng.

Sa 10 minutong lamang na inilaro sa court galing bench, kumamada ang 26-anyos na si Teng ng 9 puntos sa tatlong ibinuslong tres kasahog ang 2 rebounds, 1 assist at 1 steal.

Bunsod ng kanyang pag­liyab, natulungan niya ang Globalport na masilat ang TNT, 99-84 para umangat sa 4-4 ang kartada.

Ito ang unang laro niya sa PBA matapos pakawalan ng KIA noong nakaraang taon.

At hindi makapaniwala si Teng sa pakiramdam na mistula siyang isang rookie ulit.

Higit pa roon, lubos ang pasasalamat niya kay Jarencio na naging gabay niya sa panahon nila sa University of Santo Tomas na umabot sa Finals ng UAAP noong 2012 at 2013.

“I never imagined that I will be playing again under coach Pido. I even didn’t expect to get a call from them in the middle of the season,” ani Teng.

“So siguro blessing na rin that I was given this opportunity and I’m gonna make most out of this,” pangako niya.

Magugunitang nang magtapos sa UST noong 2013, umakyat sa PBA si Teng at napili bilang 12th overall pick ng Rain or Shine nang siya ay naglaro hanggang 2016 bago napadpad sa KIA.

Bagamat beterano sa liga, nahirapan siyang makakuha ng playing time upang maipamalas ang kanyang galing na aniya’y naging motibasyon niya sa kanyang pagbabalik sa liga.

“I still kept going, ‘yun nga mga struggles ko ‘yun ang motivation ko talaga para mag-improve. I really wanted to comeback and play dito sa PBA kasi ito ang dream ko. I worked hard on this one and sana nga magtuloy-tuloy na and make the most out of it,” pagtatapos niya.

ni John Bryan Ulanday

About John Bryan Ulanday

Check Also

Shaunna Polley Olivia Macdonald Volleyball World Beach Pro Tour Futures Nuvali

Kiwis, kampeon muli sa BPT Futures Nuvali para sa ikalawang sunod na gintong medalya

NAKAMIT nina Shaunna Polley at Olivia Macdonald ng New Zealand ang kanilang ikalawang titulo sa …

Alyana Nicolas pole vault ICTSI Philippine Athletics Championships

Nicolas, matagumpay na naipanalo muli ang women’s pole vault title sa ICTSI PH meet

CAPAS, Tarlac – Muling pinatunayan ng Fil-Am na si Alyana Nicolas ang kanyang pagiging nangungunang …

Pia Cayetano Padel Pilipinas

Pia Cayetano nais palaguin ang Padel sa buong bansa

TULOY-TULOY ang suporta ni Senador Pia Cayetano para sa mga national coach at atleta ng …

Florentino Inumerable

Florentino Inumerable, kampeon sa 2025 Illinois Senior State Chess Championships

HINDI lang nagwagi kundi kampeon ang beterano at United States chess master na si Florentino …

Darell Johnson Bada Yukiho Okuma NTT Asia Triathlon Cup sa Subic

Nangibabaw sina Bada ng PH at Okuma ng Japan sa elite junior sa Subic International Triathlon

OLONGAPO City, Zambales – Nakopo ng Pinoy na si Darell Johnson Bada ang kampeonato sa …

Leave a Reply

Your email address will not be published. Required fields are marked *