HATAW! D'yaryo ng Bayan hatawtabloid.com
MAGANDA ang pasok ng bagong taon na 2018 sa mga cute na bagets na sina Kikay at Mikay. Pagkatapos nilang humataw sa launching ng Fil-Alemania Production Company ay napanood din ang talented na duo sa Little Big Shots, hosted by Billy Crawford ng ABS CBN.
Ngayon naman ay kinuhang endorser sina Kikay at Mikay ng produktong Skin Light Baby Soap. Bagay na bagay sa kanilang dalawa dahil kapwa makikinis at mapuputi sina Kikay at Mikay.
Bukod sa pagiging bagong endorser, pati sa pelikula ay ikinakasa na ang mga proyektong sasamahan nila. Isa na rito ang movie outfit ng Maindie Queen na si Ms. Baby Go na balita namin ay isasali sila sa pelikulang pinamamahalaan either ni Direk Joel Lamangan or Direk Ralston Jover. Bukod dito ay may nauna nang mga pelikulang nagawa ang dalawa.
Isa pa sa aabangan sa kanila ang paghataw nina Kikay at Mikay sa New Asia Philippines Next Top Model na gaganapin sa January 28 sa SM Aura Samsung Hall.
Sina Kikay at Mikay ay under contract sa Viva Artists Agency. Napanood din sila lately sa kanilang TV appearances tulad sa Net25’s Pambansang Almusal, ABS-CBN’s Goin’ Bulilit, Pinas FM 95.5, at Impostora ng Kapuso Network.
Goodluck sa inyo Kikay at Mikay!
