HATAW! D'yaryo ng Bayan hatawtabloid.com
Kaya naman pala di matiwag ang Rising Sun beerhouse sa Rizal Avenue ay dahil sa nuknukan daw ng lakas sa kinauukulan ng maintainer nitong si Thelma na may blessing naman daw sa isang piskal sa Manila City Hall.
Ang Rising Sun na unang naulat na nagpapalabas ng lewd show sa loob ng 24 oras ay matatagpuan
sa kahabaan ng Rizal Avenue malapit sa Soler Sta. Cruz, Maynila.
Lumalabas na front lang nito ang mga pagpapalabas ng lewd show ngunit sa totoo lang ay isa itong prostitution den dahil sa dami ng mga VIP rooms at mga cubicle sa itaas ng nasabing establisiyemento.
Meron rin nagsasabing wala itong permit o maski na anong legal na dokumento.
Ang hindi natin malaman ay kung sadyang hindi ito masaling ng kinauukulan dahil sa parating o ‘di naman kaya ay malaki ang takot nila kay piskal na dating isang mataas na opisyal sa hanay ng pulisya.
ARRANQUE MARKET TAGPUAN
NG MGA MAGNANAKAW
AT IBA PANG KRIMINAL
Naging tagpuan na umano ng mga magnanakaw, holdaper at mga snatcher ang Arranque Market na lahat ng uri ng kalakal o pektus ay binibili.
Milyon milyong piso raw ang naglalarong pera rito araw-araw mula sa mga ilegalista.
Ang mga bagong snatch na cellphone o mga alahas na kahoholdap pa lang ay doon dinadala. No questions ask basta’t pera-pera lang ang laban.
Maraming nagrereklamong mga biktima ang naging saksi rin na roon daw tumatakbo o nakikita nila ang mga suspek.
Ilang beses na rin daw silang lumalapit sa Gandara detachment ngunit walang nangyayari at dinededma lang sila umano ng mga pulis.
May hinala rin sila na parang may ginagawa silang magic o himala. Totoo man o hindi, magkano man o wala ang mahalaga ay patunayan ninyo.
