HATAW! D'yaryo ng Bayan hatawtabloid.com
GAGAWIN ng Palasyo ang lahat ng paraan upang mabaliktad ang naging desisyon ng Court of Appeals (CA) na nag-absuwelto kay dating Palawan Gov. Joel Reyes sa kasong murder kaugnay sa pagpatay kay journalist at environmentalist Gerry Ortega.
“We will exercise all legal options to reverse this decision by the Court of Appeals,” sabi ni Presidential Spokesperson Harry Roque sa press briefing sa Palasyo kahapon.
“I find it alarming. The government will exhaust all remedies including filing first a motion for reconsideration,” giit ni Roque.
Si Roque ay dating private prosecutor sa kaso ni Ortega. Giit niya, ang naging pasya ng CA ay ganap na pagbaliktad sa naunang desisyon ng Korte Suprema na may probable cause para sampahan ng kaso si Reyes.
“There was already a decision by the lower court saying that the evidence was strong against former governor Joel Reyes,” sabi ni Roque.
Ani Roque, humingi siya ng permiso kay Pangulong Rodrigo Duterte para magbigay ng kanyang komentaryo sa kaso ni Ortega.
“This is a very sad development for freedom of the press in this country given that the murder of Gerry Ortega is a classic case of extra-legal killing,” dagdag ni Roque.
Tatalakayin ni Roque ang Ortega case kina Solicitor General Jose Calida at Justice Secretary Vitaliano Aguirre II.
(ROSE NOVENARIO)
