2 holdaper todas sa shootout sa Tondo

PATAY ang dalawang lalaki nang makipagpalitan ng putok sa mga pulis makaraan holdapin ang isang ginang sa Tondo, Maynila, kahapon ng madaling araw.

Ayon kay Supt. Jay Dimaandal, hepe ng Manila Police District – Station 1, kinilala ang isa sa mga suspek na si Nestor de Vera.

Sinabi ni Dimaandal, nagkasa ng follow-up operation ang pulisya makaraan dumulog ang biktima pasado 1:00 ng madaling araw.

Nakita sa CCTV footage na nilapitan ang biktima ng tatlong lalaking sakay ng isang motorsiklo.

Pagkaraan, tinutukan ng baril ng isang holdaper ang babae habang kinuha ng isa pang suspek ang pera ang biktima.

Natunton ng mga pulis sa Solis St., ang mga holdaper kaya nagkaroon ng palitan ng putok na ikinamatay ng dalawang suspek.

(BRIAN BILASANO)