John Fontanilla a.k.a. Janna Chu Chu ng DZBB at Baranggay LSFM, tumanggap ng pagkilala

BINABATI namin si John Fontanilla, isa sa entertainment columnist ng Hataw sa natanggap na karangalan, ang Outstanding Anchor/DJ/Columnist sa katatapos na 37th Top Choice Consumers Award.

Bukod sa pagiging kolumnista ni Fontanilla, isa rin siyang anchor sa  DzBB 594 at DJ sa Brgy LS 97.1. Kilala si Fontanilla bilang Janna Chu Chu sa mundo ng radio.

Kasabay na tumanggap ng award ni Janna Chu Chu si Ms Universe 4th runner-up Venus Raj, versatile singer Darren Espanto,Ivory recording artist Rayantha Leigh, Japanese singer Aisaku, promising Boy Group Clique 5, Most Promising Girl GroupBella, Promising Dance Group Hype Beat, Ppop Prince of Dance Klinton Start, Ballet Dance Group Shirley Halili Cruz Ballet,Hot Girls, Esang de Torres, at si Pangulong Rodrigo Duterte.

Sa natanggap na pagkilala kay John a.k.a. Janna Chu Chu, pinasasalamatan niya ang mga  Big Boss ng DzBB tulad nina Mike Enriquez, Glen Allona, Norilyn Temblor samantalang sa Barangay LS 97.1 naman ay sina Dennis Gutierrez at ang yumaong Mastershowan na si German “Kuya Germs”  Moreno na siyang dahilan kung bakit siya  anchor sa DzBB.

Mula rito sa iyong pamilya sa Hataw, binabati ka naming at mabuhay ka John!

SHOWBIZ KONEK
ni Maricris Valdez Nicasio