HATAW! D'yaryo ng Bayan hatawtabloid.com
SABIK na si reigning NCAA Most Valuable Player, (MVP) Jaymar “CJ” Perez na maglaro sa mas malakas na liga matapos magkombayn ang Zarks Burgers at Lyceum of the Philippines para lumahok sa PBA D-League Aspirants’ Cup sa Enero 18, 2018.
Ayon kay Perez malaking bagay ang paglaro nila sa D-League dahil mas mag-uumento ang kanilang laro at marami silang matututunan sa nasabing liga.
“Best opportunity sa amin ito, mas aangat ang laro namin dito,” saad ni Perez kahapon sa naganap na press conference sa Zark’s Burgers sa Taft Avenue, Malate Manila.
Bukod kay Perez, ang ibang miyembro ng Zark’s Burgers-LPU Jawbreakers ay ang kapwa Pirates na nag-second place sa 93rd NCAA basketball Tournament.
Sinabi ni head coach Topex Robinson na minabuti na sila-sila lang sa Lyceum ang miyembro ng team upang mas tumatag ang kanilang samahan.
“What’s important to us is the Chemistry because ‘yung familiarity with each other yun ang goal namin.
Ibabandera si Perez ng Zark’s kasama sina Camerronian Mike Nzeusseu, Jasper Ayaay at kambal na Jayvee at Jaycee Marcelino.
(ARABELA PRINCESS DAWA)
