Kelot todas sa lover ng ex-dyowa

PATAY nang matagpuan ang isang lalaking hinihinalang pinatay ng lover ng kanyang dating kinakasama sa Navotas City, kahapon ng umaga.

Kinilala ang biktimang si Bonifacio Bohol, 27, mangingisda.

Dakong 5:40  am,  natagpuan ng mga ba­rangay tanod ang bang­kay ng biktima at may nakuhang cardboard sa tabi ng kanyang katawan, nakasaad ang katagang “Magnanakaw ako, wag tularan.”

Sinabi sa pulisya ng tiyuhin ng biktima na si Leopoldo Baldomero, Jr., 67, ang kanyang pamangkin ay hindi sangkot sa mga ilegal na aktibidad taliwas sa nakasulat sa cardboard, na maaaring inilagay upang iligaw ang imbestigasyon ng pulisya.

Dagdag ni Baldomero, huling nakitang buhay ang biktima nitong Martes ng gabi habang kainoman ang dating kinakasama na si alyas Cora at bagong live-in partner ng babae na si alyas Balat sa Area 1, North Bay Boulevard.

Sinabi ni Navotas police deputy chief for operation, Supt. Ferdinand Balgoa, inatasan niya ang kanyang mga tauhan na imbitahan ang dating live-in partner ng biktima at ang bagong kinakasama ni Cora ngunit hindi matagpuan ang dalawa.

(ROMMEL SALES)