HATAW! D'yaryo ng Bayan hatawtabloid.com
NABANGGIT ni Pauleen Luna sa isang showbiz writer na close sa kanya kung kailan bibinyagan ang panganay nila ni Vic Sotto, si Baby Talitha.
Pero nakiusap dito si Pauleen na huwag nang isulat, dahil sobrang intimate event lang iyon. Pamilya at close friends lang ng mag-asawa ang imbitado. At apat na pares lang ang ninong at ninang na kinuha nila, pero hindi na binanggit ni Pauleen kung sino-sino ang mga iyon.
So, intimate nga lang ang mangyayaring binyag ni Baby T.
JOSHLIA, MALAKING
TULONG SA PAGKITA
NG UNEXPECTEDLY YOURS
ANG pelikulang Unexpectedly Yours mula sa Star Cinema, na pinagbibidahan nina Sharon Cuneta at Robin Padilla ay kumita na ng P100-M as of December 4.
So, ibig sabihin nito, buhay pa rin ang mga tagahanga nina Robin at Sharon. Na nasabik sila na muling mapanood ang dalawa sa isang pelikula, kaya pinanood nila ang Unexpectedly Yours.
Pero malaking tulong din sa tagumpay ng pelikula na kasama roon ang loveteam nina Julia Barretto at Joshua Garcia. Malaki na kasi ang fan base nila na nanood. At isa pang dahilan kung bakit naging blockbuster ang Unexpectedly Yours, dahil sa magandang pagkakagawa ng direktor nitong si Direk Cathy Garcia Molina.
‘Yung mga nakapanood ng pelikula, ay naikuwento na maganda ito, na naging curious ang iba para panoorin din.
Sa lahat ng bumubuo ng Unexpectedly Yours, our congratulations!
(ROMMEL PLACENTE)
