HATAW! D'yaryo ng Bayan hatawtabloid.com
NAKAMATAYAN na pala ng isang aktor ang ‘di pa nababayarang painting niya na ibinenta ng isang kontrobersiyal na beauty queen–turned-actress.
Ito ang mismong himutok ng aming nakausap na bale tiyuhin ng isa sa mga anak ng namayapang actor. Kuwento niya, ”Ano ba naman ‘yang hitad na ‘yan, namatay at namatay ‘yung ama ng pamangkin ko, pero maano ba namang isauli na lang niya ‘yung mamahaling painting niyong tao? Hindi, eh. Ang nangyari, ibinenta pa niya! Natural, ibinulsa na niya ‘yung pinagbentahan niyon!”
Ino-audit daw kasi ng mga naiwang anak ng aktor ang mga naiwang propyedad ng kanilang ama, at isa nga roon ay ang mamahaling work of art na baka daang libong piso ang halaga.
“Kaya noong makita ko ang hitad na ‘yon sa TV na lumabag sa batas kamakailan, naalala ko tuloy ‘yung atraso niya! Pa-Ingles-Ingles pa ang hitad sa kapapaliwanag, eh, halata namang law breaker siya! Hayun, na-revoke tuloy ang lisensiya niya!” sey pa ng aming source.
Kailangan pa bang tukuyin ang dating beauty queen na pumalaot sa showbiz na itago na lang natin sa alyas na Marina Isadora Lope.
(Ronnie Carrasco III)
