HATAW! D'yaryo ng Bayan hatawtabloid.com
LAOAG CITY – Patay ang magpinsan nang mabangga ang sinasakyan nilang tricycle ng isang AUV nitong madaling araw ng Sabado.
Sa imbestigasyon, pauwi ang mga biktima sakay ng tricycle nang banggain sila ng kasalubong na AUV sa national highway ng Brgy. Bengcag sa lungsod.
Ayon sa pulisya, umagaw ng linya ang AUV na minamaneho ng 18-anyos na si Leand Mao Agustin.
“Posibleng mabilis at nakatulog ang driver na si Leand dahil sa kalasingan, wasak ang harapan ng AUV. Ang tricycle parang latang nayupi,” ayon kay PO2 Melmar Antonio.
Hindi umabot nang buhay sa pagamutan ang magpinsan.
Agad inaresto ang driver ng AUV na mahaharap sa kasong double homicide.
