HATAW! D'yaryo ng Bayan hatawtabloid.com
NAGBIGAY ng pahayag ang karelasyon ni Isabel Granada na si Arnel Cowley sa pamamagitan ng kanyang Facebook page para matigil na ang iba’t ibang espekulasyon tungkol sa kumakalat na balitang namatay na ang singer-actress. Mariin niya itong pinabulaanan.
Sabi ni Arnel sa kanyang Facebook post: ”To the news that says my wife Isabel Granada has passed is incorrect!”
Pakiusap pa niya, ”Please respect our privacy and please do not make speculations or misinform the public.”
Samantala, ang kaibigan ni Isabel, ang dating aktor at co-member niya rati sa defunct youth-oriented show naThat’s Entertainment na si Robby Tarroza, ay nagbigay na rin ng statement sa pamamagitan din ng kanyang FB account upang pabulaanan na sumakabilang-buhay na si Isabel. Ikinagalit ni Robby ang posts ng ilang netizens na pumanaw na ang dating child star.
Sabi ni Robby sa kanyang FB post, ”For those people who are posting that Isabel Granada has passed away. Please take those down! Words are very powerful. She is still alive and fighting for her life. Ano ‘yun..natutuwa kayo na kayo ang mauna magbalita na patay ‘yung tao? Sikat kayo? Please delete those post. We need to continue praying for her. Pls share this message guys para makarating sa mga nag-post na wala na si Isabel. Buhay pa siya!”
Sa sumunod naman niyang post ay sinabi ni Robby na may pagbabago sa kondisyon ni Isabel.
Aniya, ”so I found out that Isabel Granada is stable now. Her vitals are anyway. Still in a coma but stable. So they should be preparing her for surgery soon. Let’s all keep praying. She is indeed a fighter! Go Isa! fight pa sis! God give Isabel back to us.”
Sa mga nagsasabi/nagbabalita na patay na si Isabel, sana tumigil na kayo. Huwag kayong magbalita kung hindi naman kayo sure sa ibabalita ninyo. Tulungan ninyo na lang kami sa pagdarasal na tuluyan nang gumaling si Isabel. At sa inyo dear readers, humihingi rin po kami ng dasal sa inyo para sa aming kaibigan at para ko nang kapatid na si Isabel. Maraming salamat po!
MA at PA
ni Rommel Placente
