HATAW! D'yaryo ng Bayan hatawtabloid.com
MAY isang nakagisnang kuwento sa Japan tungkol kay Yuki Onno, isang multo na sinasabing lumilitaw kung nagsisimula nang magkaroon ng snow. Mabait siyang multo at sinasabing tinutulungan niya ang mga taong nagkakaroon ng aksidente sa snow. Maging ang sikat ngayong Game of Thrones ay nagsasabing mayroong “snow ghosts”.
Kaya dahil Halloween naman ngayon, magkakaroon din ng mga snow ghosts sa Snow World sa Star City. Ito ang unang pagkakataon na magkakaroon ng “animated figures” sa loob ng Snow World. Makikita ninyo silang sasalubong sa inyo sa pagpasok sa snow play area, ang iba ay nanlilisik pa ang mga mata. Pero sila ay naroroon hindi para manakot kundi para magbigay saya sa mga guest ng Snow World.
Dahil karamihan ng mga guest ng Snow World ay mga bata, minabuti nilang mga hindi naman masyadong nakatatakot na figures ang kanilang ilagay sa loob.
May mga mangkukulam ding lumilipad. May bungo na nanlilisik ang pulang mata. Pero walang nakatatakot talaga. Marami ang natutuwa sa kanilang Halloween display na makikita na ninyo ngayon, at mananatili sa Snow World hanggang sa ikalawang linggo ng Nobyembre.
Ang Snow World ay bukas araw-araw mula Lunes hanggang Huwebes simula :00 p.m. at simula 2:00 p.m naman tuwing Biyernes hanggang Linggo.
Ang Snow World, ang nag-iisang tunay na snow attraction sa Pilipinas ngayon na matatagpuan sa Star City.
