Publiko, inaabangan kung may talent nga ba ang isang Xander Ford

POST ito ng kumpare at kaibigang Ogie Diaz sa Facebook.
May taping kasi siya para sa Home Sweetie Home na guest si Xander Ford. Niyaya ni Ogie ang isang female singer na lumapit kay Xander.
Pero tumanggi ito sabay sabing, ”Ayoko! Mayabang ‘yan!” na siyempre’y si Xander ang tinutukoy.
Nag-ugat ang komentong ‘yon ng female singer nang masaksihan nito si Xander sa entrance ng ABS-CBN. Humahangos ang retokadong showbiz upstart, dahil nga may taping ng HSH.
Siyempre, mga nakatalagang guard ang bubungad sa entrance. Sey ni Xander,”Guard, guard, papasukin n’yo ‘ko. Ako si Xander Ford.”
Para sa amin, hindi astang kayabangan ang inasal ni Xander. Alangan naman kasing”Marlou Arizala” ang pakilala niya sa mga guwardiya, eh, siya na rin ang maysabing, ”Marlou Arizala is dead!”
Pangalawa, hindi naman siguro lahat ng mga guwardiya ay si Xander agad ang rumehistro sa kanilang kamalayan. Kami man ay mamangha muna pagka-sight namin sa kanya, at saka lang maiisip na ay, oo nga pala, siya si Xander Ford.
Gusto naming isipin na anyo lang ang nagbago kay Xander, hindi ang kanyan ugali o asal maliban na lang kung ipinanganak talaga siyang hambog.
Gusto naming tawagin na “confidence” ‘yon sa halip na arrogance. Ikaw na ang magtaglay ng ganoong hitsura, it’s but natural na madagdagan ang kompiyansa mo sa sarili.
Sa ngayon, ang higit na dapat patunayan ni Xander ay kung nagtataglay ba siya ng mga katangian para maging isang karapat-dapat na artista.
He already has the looks, ang pangunahing requirement. Pagdating sa work attitude ay hindi pa natin gaano tiyak.
As far as talent is concerned, ‘yun ang inaabangan ng publiko. Does he have it or not? Now, if he hall these qualities to back up his ambition, sige, Xander Ford, magyabang ka dahil may “K” ka naman!