HATAW! D'yaryo ng Bayan hatawtabloid.com
PASINTABI sa aming mga mambabasa kung nagkataong kumakain sila sa mga sandaling ito. May kuwento kasing “yucky” sa likod ng paghihiwalay ng isang TV host-actor at ng isang aktres.
Sa loob ng panahong magkarelasyon sila’y dumanas ng matinding diarrhea (LBM) ang aktor. Nagkataong naka-check in sila sa isang hotel.
Siyempre, sa CR na lang ng kanilang tinutuluyang hotel room iraraos ng aktor ang tawag ng kalikasan. Pero huwag daw doon, sey ng aktres. Mangangamoy nga naman kasi ang buong kuwarto lalo’t air con nga naman ‘yon.
Ang gustong mangyari ng nobyang aktres ay bumaba na lang sa ground floor ang dyowa dahil may restroom din naman doon para sa mga hotel guest.
Walang nagawa ang aktor kundi bumaba, at gumamit ng CR sa ground floor hitsurang maraming tao ang nakakakilala sa kanya.
Da who ang malupit na aktres at ang TV host-actor nitong dyowa? Itago na lang natin sila sa alyas na Angeline Lucresia at Louie Mantikilya.
(Ronnie Carrasco III)
