HATAW! D'yaryo ng Bayan hatawtabloid.com
“TULOY pa rin ang ‘Home Sweetie Home’.” Ito ang sagot ng isa sa mainstay ng sitcom na si Ogie Diaz sa ipinadala naming text kahapon nang kumustahin kung ano ang mangyayari ngayong magpapahinga muna sa showbiz ang isa sa bida nitong si John Lloyd Cruz.
Matatandaang noong Biyernes ay nagpalabas ng statement ang ABS-CBN na nagkasundo ang aktor at ang Kapamilya Network na mag-indefinite leave of absence muna siya para ayusin ang ilang personal na bagay.
Sinabi pa ni Diaz na magge-guest-guest lang ng mga aktor sa sitcom habang wala si JLC.
Ukol naman sa lumalabas na usaping si Empoy Marquez ang kapalit ni Lloydie, sinabi ng magaling na komed-yante na wala siyang alam dito at tila hindi totoo iyon.
“I doubt it. Andyan si Jobert Austria, Pinong, at Mitoy Yonting. Nandiyan pa kami, “ giit niya. “Pero, ewan ko rin.”
Sa kasalukuyan, napapanood pa rin si JLC dahil nakapag-advance taping pa ito.
SHOWBIZ KONEK
ni Maricris Valdez Nicasio
