HATAW! D'yaryo ng Bayan hatawtabloid.com
IBINAHAGI ni Joshua Garcia sa mga invited sa ibinigay na Block Screening na isa si Julia Barretto sa unang bumati sa pagkakapanalo niya sa 33rd PMPC Star Awards For Movies bilang Best New Movie Actor of the Year.
Masayang kuwento ni Joshua, “Actually, nabalitaan niya lang sa social media. So, siya na mismo ‘yung nag-text. Tapos nakita ko na lang nag-post na rin siya, siya ‘yung pinaka-una sa mga bumati sa akin.”
Dagdag pa ni Joshua “Proud siya sa akin na nanalo ako ng award. Sabi niya pa, iyon lang ’yung simula, mas marami ka pang makukuha.” Sobrang thankful nga si Joshua kay Julia sa pagbati sa kanya at pagpunta sa victory party niya, “Nag-thank you ako sa kanya na binati niya ako.
“Pagkagaling ko sa PMPC Star Awards, may kainan ng kaunti sa bahay, may pizza, may kaunting salo-salo. Ayun, nandoon siya.”
At sa husay nga nito sa pelikula ay marami ang nagsasabing malaki ang tsansa nitong mag wagi ng Best Actor next year. “Thank you, sobrang overwhelmed ako. Masaya ang puso ko na nakilala nila ako bilang aktor sa pelikula,” pagtatapos ng mabait na binata.
Boobsie
Wonderland,
masayang
nakabalikan
ang asawa
NAGDIWANG ng ika-41st birthday ang mahusay na Komedyanang si Boobsie Wonderland na ginanap noong September 6 sa Kamay Kainan sa West Avenue, Quezon City.
Ito ang unang pagkakataon na nakasama niya muli ang kanyang asawa sa tagal na panahon na nagdiwang siya ng kaarawan. (Maaalalang matagal din silang naghiwalay at ngayon ay muling nagkabalikan). Kaya naman maituturing niyang kompleto na siya kasama ang asawa, anak, at ibang kamag-anak.
“Siyempre masayang-masaya po ako kasi dumating talaga ‘yung mga ini-expect kong tao sa buhay ko.
“Unang-una ‘yung family ko, ‘yung mga close friend ko and ‘yung nga special guest kung tawagin, isang tawag lang, isang lambing lang andyan sila.
“And this is the first time na kasama ko ulit ‘yung husband ko na birthday ko for so many years, and nagpapasalamat ako sa suporta niya.
“And of course ‘yung dalawa naming anak, so kompleto kami ngayon.
“And siyempre hindi lang ‘yun , ang nakatutuwa pa ay hindi mo sila ini-expect na magbibigay ng kung ano man ha ha ha, hindi ini-expect? Ha ha ha,” natatawang pahayag ni Boobsie.
“Marami akong natanggap mula sa mga ninong at ninang ko and thankful ako sa kanila.”
At ang birthday wish ni Boobsie, “Simple lang ‘yung birthday wish ko, good health lang sa akin, sa asawa ko, sa mga anak ko, at sa pamilya ko.
“Sana magpatuloy pa ‘yung magandang career, sana lumawak pa ang aking kaalaman sa pagpapatawa at ‘yung pag-aartista ko na rin kasi hindi pa ako masyadong nabibigyan ng drama puro comedy pa sa ngayon,” pagtatapos ni Boobsie.
MATABIL
ni John Fontanilla
