Bagyong Kiko lumakas habang palabas ng PAR

BAGAMA’T malakas ang buhos ng ulan dulot ng bagyong Kiko, tuloy pa rin ang pagkukumpuni ng mga tauhan ng Department of Public Works and Highways (DPWH) upang mapabilis ang paghupa ng baha sa Buendia Avenue, Makati City kahapon. (BONG SON)

A post shared by HATAW! – Diyaryo ng Bayan (@hatawtabloid) on Sep 6, 2017 at 1:33pm PDT

LUMAKAS ngunit bumagal ang bagyong Kiko habang palabas sa Philippine area of responsibility (PAR) nitong Miyerkoles, ayon sa PAGASA.

Sa 11:00 am weather bulletin ng PAGASA, namataan ang bagyo sa 115 kilometro kanluran ng Basco, Batanes. Taglay nito ang lakas ng hanging aabot sa 60 kilometro kada oras (kph) at pagbugsong aabot sa 70 kph.

Mas malakas ito kompara sa 55 kph lakas ng hanging naitala dakong 4:00 am kahapon.

PINAG-IINGAT ng mga awtoridad ang mga motorista at pasahero sa tapat ng Manila City Hall dahil kahit ilang beses linisin at hukayin ang daluyan ng tubig sa Padre Burgos Drive corner Victoria St., sa Ermita, Maynila ay biglang binabaha kapag bumubuhos ang ulan gaya nang nangyari nitong Martes, 5 Setyembre 2017. (IVEL JOHN M. SANTOS)

A post shared by HATAW! – Diyaryo ng Bayan (@hatawtabloid) on Sep 6, 2017 at 1:36pm PDT

Habang bumagal ang takbo ng bagyo na kumikilos na lamang sa bilis na 10 kph patungong hilagang kanluran.

Inialis na ang lahat ng tropical cyclone warnings sa lahat ng lugar sa bansa.

Inaasahan ang katamtaman hanggang sa malakas na pag-ulan sa loob ng 250 kilometro diametro ng bagyong Kiko.

Nag-abiso ang PAGASA sa mangingisdang may maliliit na bangka sa hilagang bahagi ng Luzon na huwag munang pumalaot dahil sa banta ng matataas na alon.