Guji Lorenzana, ginamit ang personal na experience para gumawa ng pelikula

NAKATUTUWA ang naikuwento ni Guji Lorenzana nang pumirma ito ng limang taong kontrata sa Viva Films ukol sa kung paano niya nakilala ang asawa at kung ano ang naging inspirasyon niya sa pagbuo ng pelikulang ginagawa nila sa kasalukuyan.

Sa kuwento ni Guji, hindi ito nahiyang ilahad na sa Tinder niya nakilala ang napangasawang si Cheska Nolasco. Aniya, napilitan siyang sumali sa naturang app dahil na rin sa buyo ng kanyang mga pinsan at matapos silang magkahiwalay ni Kay Abad.

“So, I’ll join Tinder. Gumawa ako ng profile and siguro ‘yung mga first swipe ko, ilang swipe lang, ‘yung wife ko agad ang nakilala ko,” pagbabahagi ni Guji.

The Lord has been so good to me, for blessing me with two moms. Happy Mothers Day to my moms and all the mom’s in the world. And an extra shot out to single moms, and dads who have to also be moms. Being a mom is hard work! Happy Mothers Day! #mothersday

A post shared by Guji Lorenzana (@gujilorenzana) on May 13, 2017 at 9:06am PDT

Hindi naman naging madali para sa kanya na mapa-oo si Nolasco. “Actually hindi naman siya agad um-oo nang ayain kong mag-watch ng play. And hindi niya alam na artista ako. Parang noong nakita lang ng mga friend niya, roon lang niya nalaman na artista ako,” kuwento pa ni Guji.

Aminado naman si Guji na may naramdaman agad siya kay Nolasco nang makita niya iyon sa Tinder. At nang manood na nga sila ng Wicked ay doon nila nalaman na click pala sila. Isang interior designer si Nolasco at matagal bago nagka-boyfriend dahil masyadong focus noon ang dalaga sa kanyang trabaho. Dahil din sa buyo ng mga kaibigan at kapatid kaya gumawa rin ng account si Nolasco sa Tinder.

Ani Guji, masuwerte siya na nagkita sila sa Tinder ng kanyang napangasawa.

“Puwedeng sabihing success story ‘yung sa amin.

Happy Anniversary babe!😘 how did time fly by so quickly? It seems just like yesterday I was walking down the aisle to meet you. It was that day where all our dreams started too, and every day became colorful with you. Cheers to a year of annoying each other ✌🏻 “Cause I’m with you all the way. ‘Til the end of day” ❤ *Saving the cheesy stuff offline*

A post shared by chessica (@cheskanolasco) on Feb 28, 2017 at 4:52am PST

“When I joined, siyempre ‘yung isip ko sa Tinder was the same for good time lang, have fun, single na ako eh so maghahanap ako ng ibang girls.

“Very proud naman kami that we found love at Tinder,” sambit pa ni Guji na ikinasal kay Nolasco noong February 2016. At dahil successful ang kanilang love story dahil sa Tinder, naisip niyang gawing istorya iyon sa ipino-produce niyang indie film na sinisimulan na niyang i-shoot.

Anang actor, nais niyang ipakita na may maganda ring naitutulong ang Tinder tulad ng nangyari sa kanila ng kanyang asawa.

Bukod sa pagpo-produce ng pelikula, umaasa si Guji na magtutuloy-tuloy ang kanyang career ngayong nasa pangangalaga na siya ng Viva.

SHOWBIZ KONEK
Maricris Valdez Nicasio