HATAW! D'yaryo ng Bayan hatawtabloid.com
ANO ang sikreto ng Potato Corner kung bakit hanggang ngayon ay patok na patok sa lahat ang french fries nila mula sa mga bata hanggang sa matatanda?
Tila mga kabuteng nagsulputan ang iba’t ibang food cart franchises sa huling mga taon. Mula sa siomai, shawarma, kwek-kwek, iskrambol, French fries, at kung ano-ano pa. Pero kung gaano kabilis magsulputan ang food cart franchises, ganoon din kabilis maglaho ang karamihan. Iilan lang ang talagang nagtagumpay at nanatili sa merkado.
Isa rito ang Potato Corner na 25 taon nang namamayagpag. Maituturing ang French fries nito na isa sa pinakapatok sa bansa.
Si Jose Magsaysay, CEO ng Potato Corner ay mas kilala sa tawag na “JOMAG.” Si Jomag ang isa sa nagtatag nito noong 1992 kasama ng ilang kasosyo. Ang 120 outlets ng Potato Corner ang katunayang naging matagum-pay ang pagsabak nila sa food cart franchising business.
Ngunit hindi araw-araw ay Pasko lalo na sa negosyo. Lubusang naapektohan ang Potato Corner ng krisis pang-ekonomiya sa Asya. Mula 120 ay naging 40 na lamang ang natirang outlets. Sa hindi rin inaasahang pagkakataon, pumanaw ang isa sa mga may-ari.
Lumipat sa Mister Donut si Jomag noong 1997. Nang mga panahong iyon ay nag-aaral siya ng Master in Entrepreneurship (ME) sa Asian Institute of Management (AIM). Ipinalit niya ang Potato Corner sa kanyang laboratory business. Tuluyan siyang nagbitiw sa Mister Donut nang matapos niya ang ME sa AIM.
Bumalik si Jomag sa Potato Corner nang mabalitaan niya ang pagpanaw ng dating kasama. Inihain niya sa mga dating partners ang five-year business plan na idinisenyo niya para sa Potato Corner. Iminungkahi niya na kung saka-ling magustuhan nila ang business plan, payagan nila siyang patakbuhin ang negosyo.
ONE THING
AT A TIME
Ito ang prinsipyong pinanghahawakan ni Jomag sa pagpapatakbo ng Potato Corner. Hyperfocus ang itinuturing niyang pangunahing sangkap sa tagumpay. Hindi sila nagmadali at pinagtuunan at pinag-isipan ang lahat ng maliliit na detalye ng negosyo.
IF YOU WANT
A BRAND TO STICK,
MARKET IT TO KIDS
Ito ang payo ni Jomag sa maliliit na negosyanteng hangad ding magtagumpay at tumagal sa merkado. Mga bata ang target market ng Potato Corner nang magbukas sila noong 1992. Lahat ng branding element pati na ang mascot ay pinag-isipang mabuti upang ma-ging kahali-halina sa mga bata.
Nang tanungin si Jomag kung bakit maraming millennials ang tumatangkilik sa pinakasikat na French Fries sa bansa, natatawa niyang sinagot na noong ipinakilala ang Potato Corner noong 1992 ang mga millennials ay maliliit na bata pa.
Aniya, mainam na pagtuunan ang mas na-kababatang market dahil kapag nakapag-establish ka ng ugnayan sa kanila, “best friends forever” na kayo.
Para kay Jomag, ito ang tatlong dapat tandaan at matutunan upang mapalago nang pangmatagalan ang ang maliit na negosyo: 1) Bumuo ng mas malalakas na mga sistema at estratehiya; 2) Hyperfocus; 3) Kilalanin ang market ng iyong negosyo.
Katulad ng mga pinagdaanan ni Jomag at ng Potato Corner, hindi hadlang ang mga pagsubok na ito upang hindi magtagumpay at mapaunlad ang maliit na negosyo.
