HATAW! D'yaryo ng Bayan hatawtabloid.com
BINAWIAN ng buhay ang isang 25-anyos preso habang nilalapatan ng lunas sa pagamutan, makaraan atakehin ng heat stroke dahil sa matinding init ng panahon at siksikan sa detention cell no. 3 ng Manila Police District (MPD) PS3, sa Sta. Cruz, Maynila.
Ayon kay MPD Homicide Section PO2 Jonathan Ruiz, isinugod ng mga tauhan ni MPD PS3 commander, Supt. Arnold Tom Ibay, sa Justice Jose Abad Santos General Hospital ang biktimang si Dave Banan, tricycle driver, may kasong droga, at residente sa 2340 Andrade St., Sta. Cruz, Maynila, nang makaramdam ng paninikip ng dibdib at hirap sa paghinga dakong 1:45 pm kamakalawa.
Ngunit dakong 8:47 pm, binawian ng buhay ang biktima sa naturang pagamutan. (BRIAN GEM BILASANO)
