HATAW! D'yaryo ng Bayan hatawtabloid.com
PATAY ang dalawang mixed martial arts fighters makaraan mabundol ng isang taxi cab sa highway ng Cagayan de Oro City, nitong Linggo.
Kinilala ang mga biktimang sina Rocky Batolbatol, 32, at Glenar Ponce, mga miyembro ng Mindanao Unified Mixed Martial Arts (MUMMA) group.
Ang mga biktima ay tumatawid sa national highway sa Brgy. Gusa nang mabundol sila ng taxi cab na minamaneho ni Jerson Bersabal dakong 12:30 am. Ang mga biktima ay idineklarang dead-on-arrival sa JR Borja Memorial Hospital.
Agad nadakip ang taxi driver at ngayon ay nakapiit sa Agora Police Station sa lungsod.
Motorcycle rider dedbol sa bundol
PATAY ang 22-anyos motorcycle rider makaraan sumalpok ang minamanehong motorsiklo sa kasalubong na Mitsubishi Adventure sa Valenzuela City, kahapon ng madaling-araw.
Hindi umabot nang buhay sa Valenzuela City Medical Center ang biktimang si Christian Villanueva, residente sa 40 G. Marcelo St., Brgy. Maysan, ng lungsod, sanhi ng pinsala sa ulo at katawan. Ayon kay Valenzuela police traffic investigator PO1 Fridayrich Delas Nadas, dakong 2:40 am nang mangyari ang insidente habang tinatahak ng biktima lulan ng motorsiklo (ZL-5775), ang Maysan Road mula sa McArthur Highway. Sa ulat, biglang kumabig pakanan ang motorsiklo kaya sumalpok sa Mitsubishi Adventure (ZFS-889) na minamaneho ni Joan Dorado, 36, ng Block 5, Lot 7, Road 3, Minuyan 2, San Jose Dle Monte City, Bulacan. (ROMMEL SALES)
