La Luna Sangre, may web series na

 

DAHIL sa tagumpay ng La Luna Sangre at laging pinag-uusapan sa social media kaya laging nagte-trending, naglunsad ang creative manager ng Star Creatives na si Ays de Guzman ng web series na pinangalanang Youtopia, isang streaming platform na mapapanood sa iWanTV simula noong Huwebes.

Sabi ni Ays, “naisip kasi naming parang ang ganda, paano naapektuhan ‘yung small communities sa plano ni Sandrino to take over and build a vampire army.

“What we did is IWanTV produced this micro-series, five to eight minutes that would take us to paano naapektuhan ‘yung small-communities niyong ginagawa ni Sandrino sa teleserye.

“The story of Youtopia is there’s this seven friends, ‘tapos three of those, nawala sila for six months. Then when they came back, medyo iba na ‘yung ikinikilos nila.

“’Tapos the other friends, sila Axel (Torres), Kate (Alejandrino), Mary Joy (Apostol), Gabby (Padilla), Jal (Galang) at Larissa (Alivio), tina-try nilang imbestigahan bakit nagkaganito ‘yung mga kaibigan natin. ‘Tapos they found out that they’re vampires and they’re trying to turn the entire village into Sandrino’s vampire army.”

Kailangan ba talagang may web series?

“We wanted kasi for it to be immersive. Gusto sana namin, fans would really think na, ‘Sino itong mga taong ito, totoong tao silang nandito?’ So, yes, it was a conscious effort to do that for this project para ‘yung immersive experience ng fans, mas enjoyable para sa kanila,” paliwanag ng isa sa think tank ng Star Creatives.

Sa tanong kung mapapanood ang Youtopia members sa La Luna Sangre?

“Right now po, may journey sila muna na kailangang tapusin within the story ‘tapos after po niyon, we will try and push it to happen,” sagot nito.

Ang dating Pinoy Big Brother housemate na si Axel Torres ang gumaganap na lider sa Youtopia na umaming gustong makasama sina Daniel Bernardo at Kathryn Bernardo.

“Well, siyempre, gusto naming makapasok sa mismong teleserye kasi part na rin ito, connected din naman sila. Okay lang ‘yung web series pero gusto rin naming makasali roon sa mismong show,” say ng binata.

Ang gustong karakter ni Axel, “gusto ko maging lobo. Gusto ko laging ano, eh, ‘yung naka-topless lang ‘pag nag-transform. Comfy lang ‘yung suot.”

Halos lahat ng miyembro ng Youtopia ay gustong maging lobo at iilan lang ang gustong maging bampira dahil hindi tumatanda ang hitsura dahil umiinom sila ng fresh blood.

Base naman sa ilang millennials na napagtanungan namin tungkol sa web series, gustong-gusto nila dahil makakapag-interact na sila sa La Luna Sangre at siyempre makakausap nila sina Malia at Tristan.

FACT SHEET – Reggee Bonoan