Batang terorista papatulan ng militar

HINDI mangingimi ang militar na barilin ang isang batang terorista kapag nanganib ang buhay ng sundalo sa larangan.

Ayon kay AFP Spokesman B/Gen. Restituto Padilla, pinapayagan sa Geneva Convention ang pagdepensa ng isang sundalo kapag nalagay sa panganib sa harap ng isang armadong bata.

“When our soldiers’ lives are at risk, they take appropriate measures to defend themselves and that is allowable even by the Geneva Convention. So there’s no question about that,” ani Padilla.

Inamin ni Padilla, nakababahala ang natatanggap nilang ulat hinggil sa paggamit ng Maute/ISIS Group sa mga bata at kanilang mga bihag para makipagbakbakan laban sa tropa ng pamahalaan.

Kaya’t sa tuwing may oportunidad na iligtas ang isang bata o indibiduwal na napipilitang makipagbakbakan sa mi-litar ay ginagawa ng mga sundalo.

“But every time we have an opportunity to rescue a child or an individual who is being forced into the fight, we will do that. And there have been many occasions in the past that we have done so. In… ‘Yung mga kaganapan po natin na nakalaban natin ang mga ibang armadong grupo sa loob ng ating bansa, pangalanan ko na, ‘yung NPA. Dati, may mga dati silang bata na mga ini-employ,” ani Padilla.

“Sa mga bakbakan, ‘pag may nasugatan, at nakita mong bata ‘yan, hindi ho — tutulungan kaagad-agad ‘yan. At hindi po kami nagmamada-ling barilin ang batang tumatakbo maski may dalang armas. Kung kaka-yanin natin idi-disable lang, pero hindi siya pa-patayin,” aniya.

ni ROSE NOVENARIO