Bebot sugatan sa saksak ng dyowa

SUGATAN ang isang 45-anyos babae makaraan pagsasaksakin ng kanyang lasing na kinakasama nang sawayin ang huli sa pag-inom ng alak sa Tondo, Maynila, kamakalawa.

Isinugod sa Mary Johnston Hospital ang ang biktimang si Maritess Sabado, 45, vendor, at residente sa A. Mata St., Tondo.

Habang mabilis na tumakas ang supek na si Reynald Del Carmen, 41, live-in partner ng biktima.

Base sa imbestigasyon ng Manila Police District (MPD) Station 1, naganap ang insidente dakong 4:15 pm nitong Linggo sa bahay ng dalawa.

Ayon sa ulat, maghapong nakipag-inoman ang suspek sa harap ng kanilang bahay kaya sinaway ng biktima at sinabing tumigil na dahil may pasok pa kinabukasan.

Humantong ito sa kanilang mainitang pagtatalo hanggang sa pagsasaksakin ng suspek ang biktima, at pagkaraan ay tumakas ang lalaki.

(BRIAN GEM BILASANO)