HATAW! D'yaryo ng Bayan hatawtabloid.com
NABULABOG sa isang bomb threat ang Victoria Towers sa Timog Avenue, Quezon City, nitong Huwebes ng umaga.
Dakong 10:55 am nang kumalat ang balita kaugnay sa bomb threat sa condominium kaya agad pinalikas ang mga taong nasa commercial area ng gusali.
Mabilis na nagresponde ang mga tauhan ng Quezon City Police District (QCPD) ngunit naging negatibo ang resulta ng kanilang inspeksiyon.
“Mayroon lang report sa amin na ipinapa-verify ito. Mayroong unusual activity sa 2nd floor, so far wala naman,” aniya.
Ininspeksiyon ang ikalawang palapag ng gusali na sinasabing naroroon ang bomba, ngunit walang natagpuan. Idineklara ng pulisya na ligtas ang gusali bandang 11:30 am at pina-yagan nang bumalik ang mga tao sa loob.
Pag-aari ng construction magnate na si Gerry Acuzar ang Victoria Tower.
