HATAW! D'yaryo ng Bayan hatawtabloid.com
BINAWIAN ng buhay ang chief intelligence officer ng Alaminos police sa Laguna, makaraan tambangan at pagbabarilin ng ilang lalaki sa naturang bayan, nitong Lunes.
Ayon sa ulat, nagsasagawa ng surveillance operation ang intelligence operatives sa pangu-nguna ni PO3 Eduardo Cruz at dalawang iba pa nang pagbabarilin sila ng mga suspek na sakay ng isang Mitsubishi Adventure sa Del Pilar St., Brgy. Poblacion I, ayon kay Alaminos police chief, Sr. Insp. Julimar Seloterio.
Tinamaan ng bala sa dibdib si Cruz at idineklarang dead-on-arrival sa ospital habang nakaligtas ang dalawa niyang kasamahan.
Nasakote ang hinihinalang mga gunman sa checkpoint. Kinilalang sina Airman 2nd Class Lester Catungal ng Philippine Air Force, at Jonald Luna, isang dating miyembro ng Philippine Marines. Habang nakatakas ang isa pang suspek na si Jim Noel Opena.
Nakuha kina Luna at Catungal ang isang baby armalite, isang kalibre 9mm Beretta at ilang bala.
