US troops kasama ng AFP vs ISIS sa Marawi (Kinompirma ng Palasyo)

KINOMPIRMA ng Palasyo ang presensiya ng tropang Amerikano sa Marawi City ngunit limitado ang kanilang pag-ayuda sa aspektong teknikal sa mga operasyon ng Armed Forces of the Phi-lippines (AFP) laban sa mga terorista.

“The United States is assisting the Armed For-ces of the Philippines (AFP) in its operations in Marawi but this is limited to technical assistance,” pahayag kahapon ni Presidential Spokesman Ernesto Abella.

May mga umiiral aniyang “protocols” sa i-lalim ng Mutual Defense Board-Security Engagement Board ang Filipinas at US allinsunod sa PH-US Mutual Defense Treaty of 1951.

Wala aniyang direktang partisipasyon ang mga Amerikano sa ope-rasyong militar dahil ipinagbabawal ito ng batas.

Bukas aniya ang Fi-lipinas sa alok na tulong ng ibang nasyon dahil ang laban kontra-terorismo ay hindi lamang problema natin o ng Amerika kundi maging ng mga bansa sa buong mundo

“The fight against terrorism, however, is not only the concern of the Philippines or the United States but it is a concern of many nations around the world. The Philippines is open to assistance from other countries if they offer it,” ani Abella.

ni ROSE NOVENARIO

PAGKAMATAY
NG 13 MARINES
IKINALUNGKOT
NG PALASYO

 

LABIS na ikinalungkot ng Palasyo ang pagkamatay ng 13 kagawad ng Philippine Marines sa paki-kipagbakbakan sa mga teroristang gupong Maute /ISIS  Marawi City noong Biyernes.

Magiting na nakipag-hamok para sa mga kapa-tid nating Maranao ang mga sundalo para mapalaya ang Marawi City sa kamay ng mga terorista, ayon kay Abella.

Ang insidente aniya ang lalong nagpaigting sa pagnanais ng gobyerno na linisin ang Marawi sa mga kriminal, isalba ang mga sibilyan at ibalik ang kaayusan, seguridad at normal na sitwasyon sa siyudad at mga residente.

Personal na nakiramay kahapon si Pangulong Rodrigo Duterte sa mga naulilang pamilya ng mga sundalo nang dumating ang kanilang labi sa Villamor Airbase, Pasay City.

(ROSE NOVENARIO)