HATAW! D'yaryo ng Bayan hatawtabloid.com
KRITIKAL ang kalagayan ng isang sanggol na ginawang ‘panangga’ ng isang hinihinalang tulak ng ilegal na droga, kalaunan ay napatay makaraan lumaban sa mga tauhan ng Manila Police District (MPD) sa ikinasang anti-criminality campaign sa Pandacan, Maynila, kahapon ng mada-ling-araw.
Ayon sa MPD Homicide Section, agad bina-wian ng buhay ang suspek na si Edwin Pore, 30-35 anyos.
Habang nilalapatan ng lunas sa Philippine General Hospital (PCGH) ang sanggol na si John Alejandro Cuesta, 7-buwan, dahil sa tama ng bala sa tiyan.
Samantala, kalaboso ang kasama ng suspek na si Reggie Roxas, alyas Bakulaw, 41, residente sa 1228 Interior 14, Duran St., Kahilum II, Pandacan
Base sa ulat ng pulis-ya, naganap ang insidente dakong 12:40 am sa bahay ng suspek na si Roxas.
Nauna rito, nakatanggap ng tawag sa telepono ang Labores Police Community Precinct, sakop ng MPD-PS 10, kaugnay sa illegal gambling na video karera at bentahan ng shabu sa Kahilum Int. 13, Duran St., kaya nagres-ponde ang mga operatiba sa pangunguna ni S/Insp. Val Valencia.
Hinabol ng mga pulis ang dalawa hanggang madakip si Roxas, habang puwersahang pumasok sa ikalawang pa-lapag ng bahay si Pore at nadatnan sa loob ang sanggol, isang 4-anyos babae, at lola nilang si Jocelyn Jacutina.
Hinablot ni Pore ang sanggol at ginawang panangga habang nagpapaputok ng baril. Gumanti ng putok si PO1 Melvin Melchor ngunit tinamaan sa tiyan ang sanggol.
Sa patuloy na palitan ng putok, tinamaan si Pore, naging dahilan ng kanyang kamatayan.
(BRIAN GEM BILASANO)
