HATAW! D'yaryo ng Bayan hatawtabloid.com
PATAY ang isang lalaki makaraan pagtulungan bugbugin at saksakin nang kursunadahin ang live-in partner ng isa sa mga suspek sa Parola Compound, Tondo, Maynila, kahapon ng madaling-araw.
Ayon sa ulat ng Manila Police District (MPD) Homicide Section, kinilala ang biktimang si Elmer Tangaye ng Gate 10, Parola Compound,Tondo
Habang tumakas ang mga suspek na sina Rodel Simoy, 22, at Rodel Osorio,19,kapwa residente rin ng nabanggit na lugar.
Base sa imbestigasyon ng pulisya, nangyari ang insidente dakong 3:30 am makaraan makipag-inoman ang biktima sa bayaw niyang si Emero Osorio at sa dalawang suspek.
Pagkaraan, binanggit ng dalawang suspek kay Emero na bubugbugin nila ang biktima dahil sa pambabastos sa kinakasama ni Simoy.
Nagsawalang-kibo lamang si Emero at nagpasyang matulog.
Ngunit hinabol ng mga suspek ang biktima at nang maa-butan ay pinagtulungang bugbugin at saksakin.
(BRIAN GEM BILASANO)
