Gabby, tumatanggap ng project basta nag-eenjoy

NAPANOOD namin si Gabby Concepcion, na mukhang enjoy na enjoy nang maging guest sa comedy show ni Regine Velasquez. Halata mong enjoy si Gabby sa kanyang ginawa. Hindi naman kami naniniwalang milyon ang ibinayad kay Gabby sa guesting na iyon.

Ang punto lang namin, tatanggap pala ng trabaho si Gabby kahit na simpleng comedy lang, at kahit na hindi ganoon kalaki ang bayad basta enjoy siya sa gagawin niya. Hindi totoo kung ganoon ang sinasabi ng iba na tumatanggi siya sa trabaho basta maliit ang bayad. Kung humingi siya ng napakalaking bayad para sa isang project, maliwanag iyon na ayaw lang niyang gawin ang project na iyon.

HATAWAN – Ed de Leon