HATAW! D'yaryo ng Bayan hatawtabloid.com
TUMIMBUWANG na walang buhay ang dalawang hinihinalang mga holdaper nang lumaban sa nagrespondeng mga tauhan ng Manila Police District Station 3, sa Sta. Cruz, Maynila, kahapon ng madaling araw.
Ang dalawang suspek na hindi pa nakikilala ay tinatayang 40-45 anyos at 30-35 anyos.
Sa imbestigasyon ng pulisya, dakong 3:05 am naganap ang insidente sa madilim na panulukan ng Yuseco at Oroquieta streets, sa Sta. Cruz.
Ayon kay MPD PS3 commander, Supt. Santiago Pascual III, bago ang insidente, isang hindi nagpa-kilalang caller ang tumawag sa himpilan at iniulat ang naganap na holdap sa nabanggit na lugar.
Mabilis na nagresponde ang mga pulis at namataan ang dalawang suspek na kapwa armado ng baril.
Ngunit imbes sumuko, nagpaputok ang mga suspek dahilan para paputukan din sila ng mga awtoridad na kanilang ikinamatay.
(BRIAN GEM BILASANO)
