HATAW! D'yaryo ng Bayan hatawtabloid.com
MAHABA talaga ang suwerte nitong si House Speaker Pantaleon “Bebot” Alvarez.
Bukod sa laging napupuwesto na malapit sa kusina, lagi pang happy lalo na sa kanyang lovelife.
Kapag nakikita ko nga si Speaker Alvarez sa isang sikat noon na watering hole sa Malate, natutuwa ako sa kanyang aura, parang laging happy, parang walang marital rift.
Aba ‘e ilang panahon rin nating naging kaklase riyan sina Speaker, si Secretary Manny Piñol, Ray Roquero at Ruben Lista sa Café de Malate, kahit itanong pa ninyo kay Bobby Velasco.
Talaga namang mga tunay na Caballero!
Kaya sa nakikita nating laban na kinasusuungan ngayon ni Speaker, aba, hindi niya kayo uurungan.
Kaya nga, imbes tuligsain ‘e mukhang marami ang humanga sa kanyang pag-amin sa kanyang lovey dovey.
Mas mainam na nga naman ‘yung tapat at hindi nagsisinungaling…
Sa ganang atin, kulang lang siguro si Speaker Alvarez sa pagpo-formalize ng kanyang civil status kaya medyo nababahiran ng kontrobersiyal na isyu.
Kung ipinasasara na ninyo ang tanggapan ng Congressional Spouses sa Kamara at nais na ninyong ilaan sa mas makabuluhang gawain ang nasabing espasyo, ganoon din dapat ang inyong gawin sa inyong civil status.
Ibig nating sabihin, dapat maging klaro para walang kontrobersiyal na isyu.
Ganoon lang po. Mr. Speaker…
Pero hanggang ngayon, idol na idol pa rin kita, Speaker ‘lover boy’ Alvarez!
BUS TERMINAL
SA TUTUBAN
WALANG CR
SIR Jerry, ang alam po namin mahigpit na ipinag-uutos ng pamahalaan na ang lahat ng terminal ng bus lalo ‘yung malalayo ang biyahe ay kinakailangan maglagay ng comfort room bilang bahagi ng komportableng biyahe. Pero bakit po dito sa Tutuban na pinipilahan ng Baliwag Transit, German Espiritu, Aguila, RL at iba pa ‘e wala man lang CR para sa mga pasahero? Sino po ba ang dapat magpaalala sa mga establishment na dapat silang maglagay ng CR lalo na kung bus terminal? Salamat po.
– Concerned Commuter
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
