HATAW! D'yaryo ng Bayan hatawtabloid.com
IGINIIT ni Yen Santos sa pa-presscon ng Regal Films para sa Northern Lights: A Journey To Love na hindi niya anak ang nakitang kasa-kasama niya nang minsang mamasyal.
Aniya, kapatid niya iyon.
Nagtataka nga si Yen kung bakit hindi mamatay-matay ang usaping may anak siya mula sa politician eh hindi naman niya iyon pinatulan.
Tatlong taong gulang pa lamang ang bata kaya ikinalungkot niya ang pagdamay dito.
Sinabi pa ni Yen na wala siyang karelasyon sa kasalukuyan at tatlong taon na siyang single. Kaya imposible ang sinasabing may relasyon sila ng director ng pelikula nila ni Piolo Pascual na si Direk Dondon Santos.
Palabas na sa March 29 ang Northern Lights at kasama rin dito Raikko Matteo, Tirso Cruz III, Jerald Napoles, Sandy Andolong, Maricar Reyes, at Joel Torre. Handog din ito ng Spring Films at Star Cinema.
SHOWBIZ KONEK – Maricris Valdez Nicasio
