HATAW! D'yaryo ng Bayan hatawtabloid.com
Killer ni Ozu timbog
ARESTADO ng mga pulis sa Quezon City, ang suspek sa pagpatay kay Marcelo “Ozu” Ong, miyembro ng Masculados, kahapon.
Batay sa sa report ng Quezon City Police District (QCPD), nakatanggap sila ng impormasyon kaugnay sa presensiya ng suspek na si Kristopher Ernie, sa kanyang bahay sa North Fairview Subdivision.
Dahil armado at mapanganib ang suspek kaya’t agad silang nagsagawa ng surveillance sa lugar ,hanggang sa naaresto si Ernie.
Si Ernie ay may warrant of arrest, na inilabas ng Regional Trial Court Branch 70.
Bukod kay Ernie, arestado rin ang dalawa niyang kasamahan na sina Joselito Pangilinan at Reedlani Eclarenal, habang nakatakas isa pang kasama nilang si Dennis Franco.
Inilabas ang arrest warrant laban kay Ernie noong Nobyembre kaugnay ng carjacking incident, na ikinamatay ni Ong at seaman na si John Agbayani sa Angono, Rizal noong Agosto 2015.
Narekober kay Ernie ang isang caliber .45 pistol, isang fan knife, anim sachet ng hinihinalang shabu, mga drug paraphernalia, at dalawang sasakyan.
