HATAW! D'yaryo ng Bayan hatawtabloid.com
KINOMPIRMA ni PNP chief PDGen. Ronald Dela Rosa, bi-nuo nila ang bagong anti-drug unit ng pambansang pulisya, pinangalangang PNP-Drug Enforcement Group (P-DEG).
Ang P-DEG ang papalit sa PNP Anti-Illegal Drugs Group (AIDG), nbinuwag kasunod nang kontrobersiya lalo na sa naging partisipasyon ng ilang mga tauhan nito sa pagpatay sa Koreanong negosyanteng si Jee Ick Joo.
Ayon kay PNP Chief PDGen. Ronald Dela Rosa, nga-yong araw ay pormal nang ilulunsad ng PNP ang bagong anti-illegal drug unit, kasama rito ang hotline, na puwedeng tawagan ng publiko para sa mga reklamo.
Si S/Supt. Graciano Mijares, deputy regional director for administration sa Central Luzon, ang mamumuno sa bagong anti-drug unit ng PNP.
Si Mijares ay miyembro ng PMA Class 1988, nagsilbi rin sa ilalim ng Presidential Anti-Organized Crime Task Force.
Kompiyansa si Dela Rosa, magagampanan ni Mijares ang kanyang bagong trabaho, bilang bagong pinuno ng PDEG.
Una rito, sinabi ni Dela Rosa, ang mga taong bubuo sa PNP-Drug Enforcement Group ay mga pulis na walang bad record.
Dagdag ng PNP chief, gusto niya na maging bahagi rin sa bagong anti-drug unit nila ay mga bagitong pulis.
