HATAW! D'yaryo ng Bayan hatawtabloid.com
NATUWA naman kami noong isang araw, nang mabasa namin iyong isang internet post ni Mariah Carey na nagpapasalamat sa Filipino designer na si Michael Cinco para sa isinuot niyang gown. Nang hanapin namin, mayroon na rin pala siyang mga obra na ginamit nina JLo at Lady Gaga.
Hindi namin alam kung may iba pa, pero ngayon lang kami nakarinig ng trabaho ng isang designer na Filipino na ginamit ng ganyan kalalaking international celebrities.
Kung iisipin, may mga pagkakataon ngang maski na ang national costume ng Pilipinas na ginagamit sa mga international beauty pageants, ipinagagawa pa sa mga dayuhang designers na hindi namin alam kung bakit. Iyon pala naman may Filipino na ang trabaho ay ginagamit ng mga international celebrities.
HATAWAN – Ed de Leon
