HATAW! D'yaryo ng Bayan hatawtabloid.com
PATAY ang dalawang senior citizen at tatlong batang apo sa sunog sa isang residential area sa Brgy. Pinagsama, Taguig City, kamakalawa ng gabi.
Ayon kay Taguig Fire Marshall Ian Guerrero, ang mga biktima ay kinilalang ang mag-asawang sina Ramon, 78, at Virginia Benjamin, 68, at kanilang mga apo na sina Francine, 12, Franklin, 8, at France John Loza-no, 6, magkakapatid.
Nasa trabaho ang kanilang ama habang nasa labas ng bahay ang kanilang ina kaya hindi naagapan ang mga biktima.
Mahigit tatlong oras bago tuluyang nakontrol ang sunog na tumupok sa 10 bahay.
Base sa ulat ng Taguig Fire Department, dakong 8:30 pm nagsimula ang apoy sa bahay ng isang Melanie Castro sa Palar St., Brgy. Pinagsama, malapit sa hangga-nan ng Brgy. Southside, Makati City.
Ikinuwento ng isa sa mga nasunugan na si Nida, walang koryente sa bahay ng pamilya Castro, at ang gamit lamang ay kandila at gasera.
Maaari aniyang napabayaan ang kandila at gasera nang mag-away ang anak at manugang ng pamilya Castro, nagresulta sa pagsiklab ng apoy.
ni JAJA GARCIA
