LP senators ‘pinatalsik’ sa rigodon (Drilon inalis bilang Senate Pro-Tempore)

NAGULAT ang ilang senador nang biglaang ipinatupad ang reorganisasyon, at tinanggal ang mahahalagang chairmanship sa mga miyembro ng Liberal Party (LP).

Pangunahin sa ti-nanggal bilang Senate Pro-Tempore si Sen. Frank Drilon, matapos maghain ng mosyon ni Sen. Manny Pacquiao, kilalang ma-lapit na alyado ng admi-nistrasyon.

Agad tumayo si Drilon at hindi nagpaha-yag ng pagsalungat, saka nag-second the motion.

Ang iba pang inalisan ng chairmanship ay sina LP president, Sen. Francis Pangilinan, at Sen. Bam Aquino.

Ang dagliang rigodon ay nangyari ilang araw makaraan arestohin si Sen. Leila de Lima, at pagsama ng nabanggit na LP senators sa kilos portesta nitong nakalipas na Sabado, sa People Power mo-nument nitong Sabado, 25 Pebrero, na pinuntahan din ni dating Pangulong Benigno “Noynoy” Aquino III.

Ipinalit kay Drilon si Sen. Ralph Recto, dating minority leader.

Sa nasabing reorga-nisasyon, inihalal si Sen. Cynthia Villar mula sa Nacionalista Party (NP), upang hawakan ang Senate Committe on Agriculture and Food, mula kay Pangilinan.

Ang independent senator na si Francis Escudero ay papalitan si Aquino sa Education committee.

Habang si Sen. JV Ejercito ang papalit kay Sen. Risa Hontiveros sa Health and Demography committee.

Kasunod nito ay nagdeklara agad si Hontiveros na aanib siya sa oposisyon o minorya.

Pumanig na rin sina Drilon, Aquino, Pangilinan sa oposisyon, na ang orihinal na miyembro ay sina Sen. Antonio Trillanes at Sen. Recto.

Si De Lima ay sina-sabing tiyak nang sasama ngunit hihintayin muna ni Senate President Koko Pimentel, ang pormal na komunikasyon ng senadora.