HATAW! D'yaryo ng Bayan hatawtabloid.com
MALUBHA ang kalagayan ng dalawang construction worker makaraan masaksak nang magrambolan habang nag-iinoman sa Malabon City kahapon ng madaling araw.
Ginagamot sa Tondo Medical Center sanhi mga saksak sa likod ang biktimang si Marlon Bartolo, 29, at isa sa mga suspek na si Joselito Nabao, 35, may saksak din sa likod, kapwa stay-in sa Gulayan, Brgy. Concepcion ng nasabing lungsod.
Habang agad naaresto ng mga barangay tanod sina Rodolfo Rosales, 29, at Joselito Pandoro, 31, habang ang kapatid na si Jesel Pandoro, 29, ay pinaghahanap ng pulisya, pawang stay-in sa naturang lugar.
Sa ulat nina PO3 Julius Mabas, PO2 Jose Romeo Germinal II, at PO1 Joenel Claro, dakong 4:00 am, habang nag-iinoman ang grupo nang biglang magrambolan sa hindi nabatid na dahilan, nagresulta sa pagkakasugat ng dalawang construction worker.
Mabilis na humingi ng tulong ang foreman na si Raul Logos, sa mga barangay tanod, na nagresulta sa pagkakadakip sa mga suspek. (ROMMEL SALES)
