HATAW! D'yaryo ng Bayan hatawtabloid.com
KRITIKAL ang kalagayan ng isang opisyal ng pulisya, makaraan pagbabarilin ng riding-in-tandem, habang lulan ng motorsiko sa Caloocan City, kahapon ng madaling-araw.
Nilalapatan ng lunas sa Chinese General Hospital ang biktimang si Insp. Paul Dennis Javier, 41, residente sa Severino Reyes St., Sta. Cruz, Maynila, nakatalaga bilang hepe ng Station Investigation Division Management Branch (SIDMB), sa Malabon City Police.
Ayon kay S/Supt. Chito Bersaluna, hepe ng Caloocan City Police, patuloy ang follow-up investigation upang matukoy ang pagkakakilanlan ng mga suspek, at motibo sa insidente.
Batay sa ulat nina SPO4 Joel Montebon at PO3 Cesar Garcia, dakong 4:23 am, lulan ang biktima ng motorsiklo sa Rizal Avenue Extension kanto ng 2nd Avenue, Brgy.120 ng lungsod, nang biglang sumulpot ang mga suspek at siya ay pinagbabaril.
(ROMMEL SALES)
