HATAW! D'yaryo ng Bayan hatawtabloid.com
KALABOSO ang isang 29-anyos babae, makaraan mahulihan ng shabu sa loob ng condom, sa gate ng Caloocan City Jail, kamakalawa ng hapon.
Kinilala ang suspek na si Ellen Añasco, residente sa M. Ponce St., Brgy. 132, Bagong Barrio, ng nasabing lungsod, nahaharap sa kasong paglabag sa R.A. 9165 o Dangerous Drugs Act of 2002.
Ayon sa ulat ng Caloocan City Police Station Investigation Division (SID), dakong 3:00 pm nang maa-resto ang suspek ng duty jail guard na si JO2 Florecris Antigo, sa gate ng Caloocan City Jail, sa Talimusak St., Tanigue Village, Dagat-Dagatan.
Nakuha sa suspek ang walong transparent plastic sachet ng hinihinalang shabu, nakalagay sa loob ng condom. (ROMMEL SALES)
